U Maskvie zabili ŭkrainca 37-hadovaha Ramana Muzyčenku. Ministerstva zamiežnych spraŭ Ukrainy patrabuje nieadkładna pravieści ŭsiebakovaje rasśledavańnie złačynstva.
«MZS vykazvaje hłybokuju zaniepakojenaść prajavami ksienafobii, ekstremizmu i nacyjanalnaj nieciarpimaści, što ŭsio čaściej majuć miesca z boku rasijskich hramadzian u dačynieńni da hramadzian Ukrainy i asob ŭkrainskaha pachodžańnia», — havorycca ŭ zajavie, apublikavanaj u čaćvier viečaram.
«Antyŭkrainskija nastroi, što aktyŭna padsiłkoŭvajucca rasijskimi srodkami masavaj infarmacyi, stali realijami paŭsiadzionnaha rasijskaha žyćcia», — ličać u viedamstvie.
«Raspaŭsiud takich nastrojaŭ stvaraje pahrozu dla asabistaj biaśpieki ukraincaŭ i, u niekatorych vypadkach, pryvodzić da trahičnych nastupstvaŭ, naprykład takich, jak žorstkaje zabojstva 14 lutaha 2015 u Maskoŭskaj vobłaści hrupaj nacyjanalistyčna nastrojenych maładych ludziej hramadzianina Ukrainy Ramana Muzyčenki», - havorycca ŭ zajavie.
«Ministerstva zamiežnych spraŭ patrabuje ad rasijskaha boku nieadkładna pravieści ŭsiebakovaje rasśledavańnie dadzienaha złačynstva dla ŭstanaŭleńnia i pakarańnia asob, vinavatych u zabojstvie hramadzianina Ukrainy», - adznačyli ŭ viedamstvie.
«Ministerstva taksama čakaje ad rasijskaha boku vyčarpalnych mier pa niedapuščeńni ŭ budučyni lubych prajava nieciarpimaści pa nacyjanalnych prykmietach pa ŭkrainskich i asob inšych nacyjanalnaściaŭ», - dadali ŭ MZS.
Raniej rasijski telekanał Lifenews paviedamlaŭ, što na stancyi Silikatnaja ŭ Maskvie hrupa z 21 čałavieka va ŭzroście 15-20 hadoŭ źbili ŭkrainca. Raman Muzyčenka pamior u reanimacyi, nie prychodziačy ŭ prytomnaść.
