Kamandzir ukrainskaha dobraachvotnickaha bataljona imia Džachara Dudajeva Adam Asmajeŭ, jakoha krynica «Komsomolskoj pravdy» ŭ FSB Rasii nazvała hałoŭnym padazravanym u arhanizacyi zabojstva Barysa Niamcova, zajaviŭ, što nie maje dačynieńnia da złačynstva i dobra staviŭsia da palityka.
Pra heta jon zajaviŭ telekanału Dožd́ u subotu, 14 sakavika.
«Ja liču, heta samaje poŭnaje tryźnieńnie, jakoje kamientavać navat nie varta, — skazaŭ Asmajeŭ. — Ja nijakaha dačynieńnia da hetaha nie mieŭ, viadoma. Z Zauram Dadajevym nie znajomy, nikoli nie sazvońvaŭsia, z takoj katehoryi ludźmi mnie naohuł niama pra što havaryć. Jany, u pryncypie, i razmaŭlać asabliva nie ŭmiejuć, niekalki słoŭ viedajuć - «Ściečkin» i hetak dalej. Jany zdradniki svajho naroda, a z zdradnikami ŭsiudy pastupajuć adnolkava».
Pa słovach Asmajeva, jon «vielmi dobra» staviŭsia da Niamcova i navinu pra jaho zabojstva ŭspryniaŭ «chvaravita».
