U Biełarusi zaćvierdžana instrukcyja ab paradku farmiravańnia i zachoŭvańnia źviestak ab infarmacyjnych resursach, jakija prahladajucca karystalnikami internet-pasłuh.
Heta praduhledžana pastanovaj Ministerstva suviazi i infarmatyzacyi Biełarusi №6 ad 18 lutaha, jakoje aficyjna apublikavana siońnia na Nacyjanalnym pravavym internet-partale, paviedamlaje BiełTA.
Pravajdary buduć zachoŭvać nastupnuju infarmacyju pra karystalnikaŭ, uklučajučy fizičnych asob, u tym liku indyvidualnych pradprymalnikaŭ: numar i datu zaklučeńnia damovy na akazańnie pasłuh elektrasuviazi; proźvišča, ułasnaje imia, imia pa baćku (kali jość); adras karystalnika abo adras ŭstanoŭki kancavoha abanienckaha abstalavańnia (terminała); dadzienyja, jakija dazvalajuć vyznačyć (identyfikavać) karystalnika internet-pasłuh abo jaho kancavoje abanienckaje abstalavańnie (terminał); MAS-adras albo identyfikacyjny numar kancavoha abanienckaha abstalavańnia (terminała) karystalnika internet-pasłuh sotavaj ruchomaj elektrasuviazi; dla abanientaŭ sietki sotavaj ruchomaj elektrasuviazi — rekvizity dakumienta, jaki śviedčyć asobu (jaho nazva, sieryja, numar, data vydačy i nazva dziaržaŭnaha orhana, jaki vydaŭ dakumient).
U dačynieńni da jurydyčnych asob buduć zachoŭvacca źviestki ab numary i dacie zaklučeńnia dahavora na akazańnie pasłuh elektrasuviazi; nazva (firmovaja nazva) jurydyčnaj asoby, jaje jurydyčny adras; adras ŭstanoŭki kancavoha abanienckaha abstalavańnia (terminała) karystalnika internet-pasłuh; dadzienyja, jakija dazvalajuć vyznačyć (identyfikavać) karystalnika internet-pasłuh abo jaho kancavoje abanienckaje abstalavańnie (terminał); MAS-adras albo identyfikacyjny numar kancavoha abanienckaha abstalavańnia (terminała) karystalnika internet-pasłuh sotavaj ruchomaj elektrasuviazi.
Akramia taho, buduć zachoŭvacca źviestki pra ŭsie pasłuhi elektrasuviazi, aktyvavanyja karystalnikam internet-pasłuh, a taksama data, čas pačatku i zakančeńnia złučeńniaŭ, unutrany i źniešni IP-adrasy i party kancavoha abanienckaha abstalavańnia (terminała), damiennaje imia abo IP-adras i port naviedanaha karystalnikam internet-pasłuh internet-resursu, abjom pieradadzienych i pryniatych dadzienych.
Pastaŭščyki internet-pasłuh zabiaśpiečvajuć zachoŭvańnie aktualnych źviestak ab naviedanych karystalnikami internet-pasłuh infarmacyjnych resursach na praciahu adnaho hoda z dnia akazańnia internet-pasłuh.
Pastanova ŭstupaje ŭ siłu z 1 studzienia 2016 hoda.
