Technałahičny naftazdabyvalny kompleks na ŭźbiarežžy Mieksikanskaha zaliva. Fota National Geographic Channel.
Košt nafty na mižnarodnaj biržy ICE źniziŭsia amal na 5%. Pra heta śviedčać dadzienyja, apublikavanyja na sajcie handlovaj placoŭki. Na 23:20 pa maskoŭskim časie barel paliva marki Brent kaštavaŭ 54,57 dalara.
Heta na dva dalary mienš, čym na dzień raniej. Apošni raz takoje padzieńnie adznačałasia na rynku 11 lutaha.
Reuters piša, što za tydzień cana na naftu źniziłasia ŭ siarednim na 9%.
Heta, pakazvaje ahienctva, adbyłosia z-za ŭmacavańnia dalara, vysokich zapasaŭ nafty ŭ ZŠA i pieraściaroh Mižnarodnaha enierhietyčnaha ahienctva pra rost vałacilnaści na rynku.
Cana nafty na hetym tydni taksama padała praz paviedamleńni ab samym nizkim uzroŭni biespracoŭja ŭ ZŠA z 2008 hoda.
Ahulny spad u canie ŭ paraŭnańni ź minułym hodam amal u dva razy analityki źviazvajuć ź pieranasyčanaściu rynku.
