Prakuratura Minska sankcyjanavała ŭziaćcie pad vartu dyrektara i hałoŭnaha buchhałtara adnaho z TAA. U vinu im stavicca vykarystańnie raspaŭjudžanaj u małym biznesie schiemy.
Jak paviedamiŭ staršy pamočnik prakurora Minska Siarhiej Bałašaŭ, fihurantam spravy staviacca ŭ vinu zaklučeńnie ŭ 2012—2014 hadach fiktyŭnych dahavoraŭ z rabotnikami, jakija afarmlajucca ŭ jakaści IP, z nastupnym pieravodam finansavych srodkaŭ u najaŭnyja praź ich. Škoda ad niedapłačanych padatkaŭ aceńvajecca ŭ 1,1 młrd. rubloŭ.
Sprava rasśledujecca na padstavie č. 2 art. 243 Kryminalnaha kodeksa.
Jak patłumačyli ŭ prakuratury, staličnaja firma zajmałasia pijar-pasłuhami. Na dumku śledstva, z 2012 da 2014 hod kiraŭnictva składała fiktyŭnyja dahavory ab akazańni pasłuh ź dziesiaćciu supracoŭnikami, jakija byli aformleny ŭ jakaści IP. Pa hetych dakumientach rabotnikam pieraličvalisia hrošy, jakija tyja pieravodzili ŭ najaŭnyja. Takim čynam firma zanižała padatkovuju bazu, a jaje kiraŭniki pakazvali łžyvyja źviestki ŭ padatkovaj dekłaracyi. Usio heta paciahnuła niedapłatu padatkaŭ dziaržavie.
Zaraz kryminalnuju spravu ŭ dačynieńni da dvuch supracoŭnikaŭ firmy rasśleduje ŭpraŭleńnie Śledčaha kamiteta pa Minsku.
