Pres-słužba Kramla, siońnia paviedamiła, što Uładzimir Pucin sustreŭsia sa staršynioj Viarchoŭnaha Suda Viačasłavam Lebiedzievym.
Abmiarkoŭvalisia aktualnyja pytańni dziejnaści suda vyšejšaj instancyi paśla abjadnańnia Viarchoŭnaha i Vyšejšaha Arbitražnaha sudoŭ, havorycca ŭ paviedamleńni, u jakim pryvodzicca taksama stenahrama hutarki.
Praŭda, nie paznačana, kali adbyłasia heta sustreča, ale na fatazdymkach ukazvajecca siońniašniaja data. 13 sakavika.
Raniej ŚMI zajaŭlali, što Pucin nie źjazŭlaŭsia na publicy z 6 sakavika, u tym liku byŭ admienieny jaho vizit u Astanu. Vykazvalisia mierkavańni pra chvarobu kiraŭnika Rasii.
Adnak infarmacyja pra sustreču ź Lebiedzievym była abryvačnaj, a niekatoryja detali fota padalisia žurnalistam sastarełymi. U vyniku čutki pra paharšeńnie stanu zdaroŭja Pucina praciahvajuć cyrkulavać u Maskvie.
