Vajennasłužačymi vajskovaj čaści 5448 unutranych vojskaŭ MUS padčas patrulavańnia byŭ zatrymany małady čałaviek, jaki ŭ prypynku hramadskaha transpartu na vulicy Maksima Tanka spraŭlaŭ naturalnyja patreby.
Jak paviedamlaje HUUS Minharvykankama, parušalnika dastavili ŭ aporny punkt achovy pravaparadku dla mahčymaha pryciahnieńnia da adkaznaści. Padčas razhladu supracoŭniki milicyi źviarnuli ŭvahu na nieadekvatnyja pavodziny 16-hadovaha zatrymanaha. Jon raskazaŭ, što ŭžyvaŭ kurylnuju sumieś. A ŭ kišeni junaka byŭ znojdzieny skrutak z kurylnaj sumieśsiu, a taksama prystasavańnie dla jaje ŭžyvańnia.
Ciapier u dačynieńni da maładoha čałavieka składzieny administracyjny pratakoł za drobnaje chulihanstva (art. 17.1 KoAP), a taksama raspačata sprava za niezakonnaje zachoŭvańnie narkotykaŭ (art. 328 KK). Akramia taho, paśla adpaviednych ekśpiertyz z-za taho, što fihurant byŭ u stanie narkatyčnaha apjanieńnia, jon moža być pryciahnuty da administracyjnaj adkaznaści ŭ adpaviednaści z patrabavańniami antynarkatyčnaha dekreta prezidenta.