Navukovaja rada pry Radzie biaśpieki Rasii prapanavaŭ błakavać niehatyŭnuju infarmacyju dla praduchileńnia «kalarovych revalucyj».
Tema praduchileńnia «kalarovych revalucyj» budzie, chutčej za ŭsio, abmiarkoŭvacca na adnym z pasiadžeńniaŭ Rady biaśpieki (SB) pa prablemach mižnarodnych adnosin. Krynicy ŭ Kramli raspaviali, što SB zajmajecca prapracoŭkaj mier «pa abaronie suvierenitetu krainy».
Na dumku siabra navukovaj rady, prafiesara MDU Andreja Manojły, śpiecsłužby pavinny spyniać sietkavyja formy pratestavaj aktyŭnaści i piśmienna pastaŭlenuju infarmacyjna-ideałahičnuju pracu, jakaja dazvalaje pryciahnuć da udziełaŭ u akcyjach pratestu vialikuju kolkaść vypadkovych ludziej.
«Lubaja «kalarovaja revalucyja» maskirujecca pad stychijnyja prajavy voli naroda, ale heta dziejańni, zapłanavanyja zvonku ŭ strohaj paśladoŭnaści. Zmahacca z hetym možna, tolki parušyŭšy technałahičny łancužok», — ličyć jon.
Akramia RB, vialikuju ŭvahu «kalarovym revalucyja» nadajuć i ŭ Arhanizacyi Damovy ab kalektyŭnaj biaśpiecy — vajenna-palityčnym błoku na postsavieckaj prastory, jaki kuryrujecca Maskvoj. Arhanizacyjaj ŭ 2014 byŭ vypuščany dakład, zhodna ź jakim, «niebiaśpieka «kalarovych revalucyj» vyłučajecca na pieršy płan u šerahu nietradycyjnych vyklikaŭ, pahroz i ryzyk dla biaśpieki dziaržaŭ ADKB».
U lutym namieśnik ministra ŭnutranych spraŭ Rasii Ihar Zubaŭ zajaviŭ na pasiadžeńni uradavaj rabočaj hrupy, dzie abmiarkoŭvałasia inicyjatyva Alaksieja Navalnaha ab kryminalnaj adkaznaści dla słužbovych asob za niezakonnaje ŭzbahačeńnie, što «kalarovyja revalucyi va ŭsich krainach pačynalisia pad łozunham baraćby z karupcyjaj».
