Amierykanskaja kampanija DOOB3D prapanavała pasłuhu 3D-druku źmienšanaj kopii čałavieka. Admysłovy kompleks dla 3D-skanavańnia daje nievierahodnuju detalizacyju i žyvaść «mini-siabie», raspaviadaje Geektimes.
Kompleks składajecca z kalarovych 3D-pryntaraŭ i vializnaj budki z 54 18-miehapiksielnymi kamierami, što adnačasova fatahrafujuć čałavieka z usich bakoŭ. Pa fota prahrama stvaraje 3D-madel čałavieka. Druk detalovaj fihurki idzie z chutkaściu 28 mm na hadzinu.
Kompleks kaštuje pryblizna 80 tysiač dalaraŭ. Kampanija maje ŭłasnyja centry stvareńnia «mini-siabie» ŭ Ńju-Jorku, Łos-Anželesie, Dziusieldorfie i Tokia. Klijenty atrymlivajuć fihurki praź niekalki tydniaŭ pa fatahrafavańni.
Fihurka vyšynioj u 10 sm kaštuje kala 95 dalaraŭ. 35 sm — užo 695 dalaraŭ.
Pa słovach supracoŭnikaŭ adnoha centru, klijenty prymajuć zabaŭnyja pozy pry fatahrafavańni, niekatoryja navat całkam raspranajucca. Što važna, kampanija nie dazvalaje redahavać kopiju siabie pierad drukam.