Siońnia na skryžavańni vulic Jasienina i Rafijeva prykładna ŭ 17:15 adbyłosia DTZ z udziełam dvuch aŭtamabilaŭ — «Opiel Viektra» i «Opiel Astra», paviedamiła staršy inśpiektar pa ahitacyi i prapahandzie adździeła DAI Maskoŭskaha RAUS Luboŭ Trapaška.
«32-hadovy kiroŭca «Opiel Viektra» ruchaŭsia pa vulicy Jasienina z boku vulicy Słabadskoj u napramku Rafijeva. Druhi kiroŭca (39 hadoŭ) ruchaŭsia jamu nasustrač pa vulicy Jasienina z boku Hromava», — raspaviała Luboŭ Trapaška.
Na skryžavańni «Opiel Viektra» pasprabavaŭ raźviarnucca, adnak druhi aŭtamabil, praciahvajučy jechać upierad, nie zmoh paźbiehnuć sutyknieńnia. Ad udaru «Opiel Astra» vykinuła na tratuar, dzie aŭtamabil ździejśniŭ najezd na mužčynu 1980 hoda naradžeńnia, žančynu 1951 hoda naradžeńnia, jakaja była ź piacihadovaj unučkaj.
U vyniku mužčyna atrymaŭ čerapna-mazhavuju traŭmu siaredniaj stupieni ciažkaści i zakryty pierałom levaj nahi. Žančyna atrymała pierałom halenastopa, a dzicia, papiarednie, udar nohi.
Pa fakcie DTZ pravodzicca pravierka.
