U Zelvie (Hrodzienskaja vobł.) hruzavy ciahnik skinuŭ z rejek aŭtamabil «Piežo», paviedamili ŭ adździaleńni ahitacyi i prapahandy UDAI UUS Hrodzienskaha abłvykankama.
Kala 14:15 tavarny ciahnik, jaki ruchaŭsia z boku Słonima ŭ bok Vaŭkavyska, nabliziŭsia da pierajezdu pa vuł. Bułaka, dzie niečakanaj pieraškodaj jamu staŭ lehkavy «Piežo». Ciahnik nie zmoh spynicca i skinuŭ lehkavik z adchonu.
Paciarpieŭ małady kiroŭca aŭtamabila i jahony baćka, jaki jechaŭ u jakaści pasažyra, ich dastavili ŭ balnicu.
Jak śćviardžajuć vidavočcy, mašynist hudkom papiaredziŭ ab svaim nabližeńni, śvietłavaja i hukavaja sihnalizacyja na čyhunačnym pierajeździe taksama dziejničała. Jany vielmi ździvilisia, kali ŭbačyli, što «Piežo» vyjechała na rejki prama pierad hruzavym sastavam, paviedamlaje DAI.
Pryčyny i abstaviny avaryi vyśviatlajucca.
Fota: DAI UUS Hrodzienskaha abłvykankama
Fota: DAI UUS Hrodzienskaha abłvykankama
Fota: DAI UUS Hrodzienskaha abłvykankama
Fota: Alaksandr Panasik