Va ŭzroście 89 hadoŭ u subotu, 14 lutaha, pamior uładalnik kampanii Ferrero Mikiele Fierera.
Italjanski biznesmen pamior paśla praciahłaj chvaroby ŭ Monte-Karła. Pachavańnie pavinna adbycca ŭ horadzie Alba na poŭnačy Italii, dzie naradziŭsia Fierera.
Fierera pieraniaŭ kiravańnie nievialikim siamiejnym pradpryjemstvam u 1949 hodzie. Pad jaho kiraŭnictvam kampanija Ferrero stała suśvietna viadomym vytvorcam prysmakaŭ. Siarod samych viadomych jaho viadomych brendaŭ — Kinder, Nutella, Ferrero Rocher.
Baćka Mikiele Pjetra Fierera jašče ŭ kancy Druhoj suśvietnaj vajny vyrašyŭ vypuskać sałodki desiert u vyhladzie sumiesi arechaŭ i kakava-baboŭ, adnak novy pradukt spačatku byŭ ćviordym - jaho treba było rezać nažom.
Praź niekatory čas Pjetra Fierera zdahadaŭsia zrabić hety desiert u vyhladzie pasty - kab jaje možna było našmaroŭvać na chleb.
Mikiele Fierera, pieraniać spravu ŭ baćki, źlohku madyfikavaŭ stary recept i ŭ 1964 hodzie pierazapuściŭ šakaładnuju pastu pad novaj nazvaj «Nutella», jakaja ciapier viadoma va ŭsim śviecie.
Fierera pieršym ź italjanskich kandytaraŭ pačaŭ ekspansiju svajho biźniesu za miažu, i ŭ 1967 hodzie zachodniehiermanskaje adździaleńnie kampanii pačało vytvorčaść šakałada pad brendam «Kinder», jaki ciapier abjadnoŭvaje cełuju liniejku suśvietna viadomaj pradukcyi.
Taksama šyroka viadomyja ciapier cukierki Ferrero Rocher, Raffaello i Mon Cheri, vafli Hanuta i draže Tic Tac.
Kolkaść supracoŭnikaŭ kancerna Ferrero składaje va ŭsim śviecie bolš za 22 tysiač čałaviek, jaho hadavy abarot pieravyšaje 8 miljardaŭ jeŭra. Pa dadzienych časopisa Forbes, Mikiele Fierera byŭ samym bahatym žycharom Italii.
U 1997 hodzie Mikiele Fierera pieradaŭ kiravańnie kancernam svaim synam Džavani i Pjetra. Apošni zahinuŭ u 2011 hodzie ŭ vyniku niaščasnaha vypadku.
