Spaleny hruzavik na trasie Arciomaŭsk-Debalcava.
«Naš kanvoj u Diebalcievo prajšoŭ. Darohu raźminirujuć, — napisaŭ u siabie ŭ Fejsbuku ŭkrainski lejtenant-tankist, a ŭ mirnym žyćci — fiermier z-pad Dnieprapiatroŭska Alaksiej Čaban.
Čaban vajuje ŭ rajonie Debalcava. Jon atrymaŭ viadomaść, kali adpuściŭ ekipaž padbitaha im rasijskaha tanka i adpraviŭ adkryty list pra heta ŭ Varoniež, maci adnaho z bajevikoŭ, jaki pakinuŭ svoj mabilnik u bajavoj mašynie.
«Bandyty dasłali mirnych žycharoŭ z ultymatumam zdacca da 11:00, potym byccam by pačnuć bambić. Dumaju, brachnia. Dumaju, jany ŭžo dumajuć, chto ich źliŭ i što im takim dobrym rabić», — padsumoŭvaje jon.
Tym nie mienš, sparadyčnyja pierastrełki ŭspychvali i ŭ rajonie Debalcaŭskaha płacdarma, pieravažna kala nasielenaha punktu Čarnuchina, paviedamiŭ pres-sakratar ukrainskaj antyterarystyčnaj apieracyi. Najbolšym incydentam nočy staŭ rakietny abstreł rasijskimi siłami horada Papasnaja, u vyniku čaho zahinuli dvoje mirnych žycharoŭ. Akramia taho, pad hranatamiotny abstreł papaŭ ukrainski patrul na ŭschod ad Maryupala, dzie paranienyja 9 vajskoŭcaŭ.
Debalcava — važny čyhunačny vuzieł miž Danieckam i Łuhanskam. Praź jaho idzie čyhunka z Daniecka ŭ Rasiju. Kantrol nad Debalcavam budzie aznačać taksama kantrol na hruzavymi patokami z rehijona.
Na momant zaklučeńnia papiarednaha pieramirja Debalcava było advajavana ŭkrainskimi vojskami. Uvieś studzień i luty vakoł jaho išli zaciatyja bai. Rasijskija siły sprabavali viarnuć sabie kantrol nad horadam.
Damoŭlenaść ab novym pieramirji była dasiahnutaja ŭ Minsku 12 lutaha. Jano ŭstupiła ŭ siłu z poŭnačy 15 lutaha.