Na knižnaj vystavie, jakaja projdzie 19—23 lutaha ŭ Vilni, budzie biełaruski stend, prezientavany inicyjatyvaj Books from Belarus.
Stend pradstavić knihi biełaruskich i litoŭskich vydaviectvaŭ, a ŭ miežach ahulnaj prahramy projduć biełaruskija litaraturnyja imprezy.
Da taho ž na stendzie budzie pradstaŭleny katałoh Books from Belarus/»Knihi ź Biełarusi». Katałoh, jaki dla zručnaści zamiežnych vydaŭcoŭ i litaraturnych ahientaŭ vydadzieny pa-anhielsku, pradstaŭlaje anatacyi tvoraŭ Vasila Bykava, Alesia Razanana, Ihara Babkova, Aleny Bravy, Adama Hłobusa, Uładzimira Arłova, Ludmiły Rubleŭskaj, Uładzimira Niaklajeva, Alhierda Bachareviča, Viktara Kaźko, Barysa Piatroviča, Uładzimira Kazłova.
– Inicyjatyva pa prasoŭvańni biełaruskaj litaratury pryniesła pieršy plon, - kaža litaraturny ahient Darja Vaškievič. – Kniha Ihara Babkova «Chvilinka», pradstaŭlenaja, siarod inšych, u apošnim katałozie Books from Belarus, atrymała pryz Vyšahradskaj hrupy jak najlepšy ŭschodniejeŭrapiejski raman i ŭ śniežni była była vydadzienaja ŭ pierakładzie na słavackuju movu.
Books from Belarus – heta supolnaja inicyjatyva niezaležnych vydaŭcoŭ Biełarusi, siarod jakich Sajuz biełaruskich piśmieńnikaŭ, 34mag.net i Litaraturny Dom «Łohvinaŭ». Meta kampanii – prasoŭvańnie ajčynnaj litaratury na suśvietnym knižnym rynku, naładžvańnie suviaziaŭ i kamunikacyi ź litaraturnymi ahientami dy vydaŭcami ź inšych krain, farmavańnie intelektualnaha imidža Biełarusi za miažoj. Letaś prajekt Books from Belarus uziaŭ udzieł u Frankfurckim, Varšaŭskim i Lajpcyhskmi knižnych kirmašach.
Raskład biełaruskich imprezaŭ na Vilenskaj knižnaj vystavie:
19 lutaha. Prezientacyja knihi Alesia Razanava. Pačatak a 15 hadzinie. Z udziełam pierakładčycy Almy Łapinskienie. Stend Books from Belarus.
19 lutaha. Vystup biełaruskich litarataraŭ u Sajuzie piśmieńnikaŭ Litvy (K. Sirvydo g. 6, Vilnius). Pačatak a 18 hadzinie. Z udziełam Andreja Chadanoviča i Paŭła Kaściukieviča.
20 lutaha. Panielnaja dyskusija «Try hadziny - i ty TAM» pra los sučasnaj biełaruskaj litaratury ŭ Jeŭropie. Z udziełam Alesia Razanava, Andreja Chadanoviča, Ihara Łohvinava, Anatola Ivaščanki i Darji Vaškievič. Pačatak a 13 hadzinie. Stend Books from Belarus.
Na biełaruskim stendzie taksama budzie pakazana mini-vystava hrafičnych prac Adama Hłobusa «Pryvakzalnaja Vilnia».
Adras knižnaj vystavy ŭ Vilni: LITEXPO (Laisvės pr. 5, Vilnius), numar stendu 3.16
Stend Books from Belarus zaprašaje na adviedki ŭsich achvočych, a asabliva pradstaŭnikoŭ biełaruskaj dyjaspary ŭ Vilni i studentaŭ EHU!
