Prezident Francyi Fransua Aland paviedamiŭ paśla samitu ES u minuły čaćvier 12 lutaha, što lidary «narmandskaj čaćviorki» na nastupnym tydni płanujuć abmierkavać pa telefonie vykanańnie minskich damoŭlenaściej, a praź niekalki tydniaŭ mohuć sustrecca asabista.
«My padumali, što, kali spynieńnie ahniu budzie vykonvacca pa płanie, heta značyć z 00:00 niadzieli, to treba budzie na nastupnym tydni pravieści choć by telefonnuju kanfierencyju», — skazaŭ Aland.
Havoračy ab pieradačy Rasii pieršaha viertałatanosca typu «Mistral», palityk zaŭvažyŭ, što pakul umovy dla hetaha nie skłalisia. «Spadziajusia, što adnojčy jany buduć vykananyja», - skazaŭ prezident Francyi.
Jon rastłumačyŭ, što ŭmovami dla pieradačy viertalotanosca źjaŭlajecca, u pryvatnaści, zachavańnie damovy ab spynieńni ahniu na Ukrainie i sapraŭdnaja realizacyja damoŭlenaściej, zaklučanych u Minsku.
«Kali heta budzie zroblena, kali damovy buduć vykonvacca, to Jeŭropa pastupova pačnie zdymać sankcyi», — skazaŭ Ałand, adznačyŭšy, što farmalna pytańnie pieradačy «Mistral» nie traplaje pad sankcyi.
