Najbujniejšy apieratar suviazi Ukrainy «Ukrtelekam» adklučyŭ u Krymie stacyjanarnuju telefonnuju suviaź i internet, taksama akazańnie pasłuh prypyniŭ mabilny apieratar «Trymob».
Na ranicu 10 lutaha ŭ Krymie adnoŭlenaja tolki stacyjanarnaja telefonnaja suviaź miž abanientami na samim paŭvostravie.
Suviaź z Rasijaj i ŭsimi astatnimi krainami śvietu pakul u pracesie naładki. Pa słovach vice-premjera Kryma Dźmitryja Pałonskaha, pryčyny adklučeńnia nie byli nazvanyja, papiaredžańnia ab prypynieńni pasłuh nie było.
Dyrektar pa suviaziach z hramadskaściu «Ukrtelekam» na Facebook patłumačyła: ofis kampanii ŭ Simfieropali byŭ unočy zachopleny nieviadomymi, kampanija nie kantraluje Krymskaje adździaleńnie. Kabieli, što złučali paŭvostraŭ z Ukrainaj, fizična adklučanyja.
Suprać «Ukrtelekama» ŭ Krymie była zaviedziena kryminalnaja sprava — kampaniju abvinavačvali ŭ finansavańni ŭkrainskich vajskovych farmavańniaŭ, pryznanych u Rasii ekstremisckimi.
Na pačatku lutaha kalektyŭ krymskaha filijała «Ukrtelekama» prasiŭ «kiraŭnika» «respubliki» Siarhieja Aksionava ab nacyjanalizacyi pradpryjemstva. Pavodle źviestak «Krymskaj słužby navin», takoje rašeńnie mahło b być pryniataje 11 lutaha.
«Ukrtelekam» absłuhoŭvaŭ bolš za 80% abanientaŭ stacyjanarnaj telefonnaj suviazi, u vieraśni 2014 hoda prypyniŭ pasłuhi ŭ Sievastopali. «Trymob» byŭ apošnim ukrainskim mabilnym apierataram na terytoryi paŭvostrava. U žniŭni ŭ Krymie pačaŭ pracavać miascovy mabilny apieratar «Trymob», jaki zajaŭlaŭ ab padklučeńni 2 młn abanientaŭ — ličba roŭnaja nasielnictvu paŭvostrava.
