U Biełarusi maksimalny pieryjad znachodžańnia hramadzian na ŭliku ŭ jakaści biespracoŭnych płanujecca skaracić z 36 da 12 kalandarnych miesiacaŭ. Heta navacyja nacelena na prafiłaktyku sacyjalnaha ŭtrymanstva, paviedamiŭ načalnik upraŭleńnia palityki zaniataści Ministerstva pracy i sacyjalnaj abarony Aleh Takun.
Pavodle jaho słoŭ, dapaŭnieńni i źmianieńni, jakija praduhledžvajecca ŭnieści ŭ zakon «Ab zaniataści nasielnictva Respubliki Biełaruś», nakiravany na pavyšeńnie efiektyŭnaści ŭklučeńnia ŭ ekanamičnuju dziejnaść niezaniatych hramadzian, stvareńnie ŭmoŭ dla raźvićcia i padtrymki vysokaj matyvacyi biespracoŭnych da aktyŭnaha pošuku raboty, uzmacnieńnie adkaznaści najmalnikaŭ i biespracoŭnych za vykanańnie zakanadaŭstva ab zaniataści.
Tak, prajektam zakona praduhledžana ŭzmacnieńnie adkaznaści biespracoŭnych za parušeńnie zakanadaŭstva ab zaniataści, što stanie stymułam dla ich da bolš aktyŭnaha pošuku raboty. Akramia taho, prapanujecca ŭstanavić abaviazki biespracoŭnaha - samastojna zajmacca pošukam raboty, źjaŭlacca na pierahavory z najmalnikam pa pytańni pracaŭładkavańnia na praciahu dvuch rabočych dzion z dnia vydačy nakiravańnia, źjaŭlacca ŭ orhany pa pracy, zaniatasci i sacyjalnaj abaronie dla atrymańnia nakiravańnia na rabotu abo vučobu.
«Heta daść mahčymaść zamacavać sistemu ŭzajemaadkaznaści słužby zaniataści, najmalnikaŭ i biespracoŭnych u vyrašeńni pytańniaŭ ich pracaŭładkavańnia», — adznačyŭ Aleh Takun.
Dla stvareńnia ŭmoŭ, jakija dajuć mahčymaść pavysić efiektyŭnaść uklučeńnia ŭ ekanamičnuju dziejnaść niezaniatych hramadzian, prapanujecca źnizić da piaci dzion (z dvuch tydniaŭ) termin, jai abaviazvaje najmalnikaŭ piśmova paviedamlać orhanam pa pracy, zaniataści i sacyjalnaj abaronie ab najaŭnaści ŭ ich svabodnych rabočych miesc. Budzie ŭzmocniena adkaznaść najmalnikaŭ za parušeńnie zakanadaŭstva ab zaniataści.
Prajektam zakona budzie kankretyzavana paniaćcie «sadziejničańnie ŭ pracaŭładkavańni» i ŭstanoŭleny kryteryi akazańnia biespracoŭnym takoha sadziejničańnia
