Kabiniet ministraŭ Ukrainy z 10 lutaha na čas praviadzieńnia śpiecapieracyi ŭvodzić pahraničny režym dla šeraha rajonaŭ i nasielenych punktaŭ Danieckaj, Łuhanskaj, Charkaŭskaj i Chiersonskaj abłaściej.
Adpaviednaja pastanova apublikavana na sajcie Kabinieta ministraŭ Ukrainy.
U dakumiencie adznačajecca, što pahraničny režym uvodzicca «ŭ metach pavyšeńnia ŭzroŭniu nacyjanalnaj biaśpieki Ukrainy, zabieśpiačeńnia biaśpieki hramadzian, abarony ich pravoŭ i svabod, zakonnych intaresaŭ i zychodziačy z pryncypaŭ nieparušnaści dziaržaŭnaj hranicy, terytaryjalnaj cełasnaści, palityčnaj i ekanamičnaj niezaležnaści i suvierenitetu Ukrainy».
U pryvatnaści, pahraničny režym uvodzicca ŭ Daniecku, Aŭdziejeŭcy, Arciomaŭsku, Vuhladary, Horłaŭcy, Dziaržynsku, Dziabalcavie, Dakučajeŭsku, Sialidavie Danieckaj vobłaści, u Arciomaŭskim, Vałnavachskim, Vaładarskim, Kanstancinaŭskim, Krasnaarmiejskim, Marjinskim, Jasinavackim rajonach Danieckaj vobłaści; u Łutuhinskim, Novaajdarskim, Pieravalskim, Papaśnianskim, Słavianasierbskim, Starabielskim rajonach Łuhanskaj vobłaści; u Bahaduchaŭskim rajonie Charkaŭskaj vobłaści; u Navatroickim i Čaplinskim rajonach Chiersonskaj vobłaści.
