Kiraŭnik Rymska-katalickaj carkvy papa Francišak padtrymaŭ baćkoŭ, jakija bjuć svaich dziaciej, pry ŭmovie, što jany nie prynižajuć hodnaść dziciaci.
Pantyfik vykazaŭsia na hetuju temu ŭ chodzie svajoj štotydniovaj aŭdyjencyi ŭ Vatykanie, jakaja na hety raz była pryśviečana roli baćkoŭ u siamji. Papa abmalavaŭ rysy dobraha baćki jak čałavieka, jaki zdolny daravać, ale ŭ toj ža čas ź ćviordaściu padtrymlivaje dyscyplinu.
«Adnojčy ja čuŭ, jak baćka siamiejstva na sustrečy z žanatymi parami skazaŭ: «Mnie časam davodzicca dać pleskača svaim dziaciam, ale ja nikoli nie bju ich pa tvary, kab nie prynižać ich», - skazaŭ papa Francišak. «Taki baćka viedaje, što takoje hodnaść. Jon karaje dziaciej, ale robić heta spraviadliva», - dadaŭ papa.
Niekatoryja z aktyvistaŭ, jakija vystupajuć u abaronu pravoŭ dziaciej, staviać pad sumnieŭ hetyja vykazvańni papy.
Zasnavalnik brytanskaj Nacyjanalnaj asacyjacyi achviar hvałtu ŭ dziacinstvie Piter Sondiers, jaki źjaŭlajecca členam Vatykanskaj kamisii pa abaronie dziaciej ad žorstkaści śviataroŭ, zajaviŭ, što padymie pytańnie pra vykazvańni papy padčas sustrečy ź im.
Pazicyja Katalickaj carkvy pa pytańni ab cialesnych pakarańniach padvierhnułasia krytycy ŭ minułym hodzie padčas abmierkavańnia z členami kamiteta AAN pa pravach čałavieka ažyćciaŭleńnia kanviencyi AAN pa pravach dziaciej.
Tady kiraŭnik delehacyi Vatykana zajaviŭ, što carkva ni ŭ jakim vypadku nie vystupaje ŭ abaronu cialesnych pakarańniaŭ i što rekamiendacyi delehacyi buduć pradstaŭleny Francišku.
Bi-bi-si
