Vystupleńnie kiraŭnika MZS RF Siarhieja Łaŭrova na Mižnarodnaj kanfierencyi pa biaśpiecy ŭ Miunchienie skončyłasia skandałam.
Delehaty z šerahu zachodnich krain adreahavali na jaho pramovu hučnymi kpinami i vykrykami, piša «Kommiersant».
Da Siarhieja Łaŭrova na kanfierencyi ŭ Miunchienie vystupała Anhieła Mierkiel: havorka kanclera FRH šeść razoŭ pierapyniali burnymi apładysmientami. Hučniej za ŭsich ŭdzielniki forumu plaskali, kali jana pavitała prezidenta Ukrainy Piatra Parašenki, jaki siadzieŭ u pieršym šerahu.
Kiraŭnik MZS RF pačaŭ svoj vystup z kanstatacyi taho, što «padziei apošniaha hoda paćvierdzili spraviadlivaść papiaredžańniaŭ Rasii adnosna najaŭnaści hłybokich, sistemnych prablem u arhanizacyi jeŭrapiejskaj biaśpieki i ŭ mižnarodnych adnosinach u cełym». «Kanstrukcyja stabilnaści, jakaja abapirajecca na Statut AAN i Chielsinskija pryncypy, daŭno padarvanaja dziejańniami ZŠA i ich sajuźnikaŭ u Juhasłavii, Iraku i Livii, pašyreńniem NATA na Uschod, stvareńniem novych raździalalnych linij, - abviaściŭ Siarhiej Łaŭroŭ. - Prajekt pabudovy «ahulnajeŭrapiejskaha doma» nie adbyŭsia mienavita tamu, što našy partniory na Zachadzie kiravalisia nie intaresami ŭźviadzieńnia adkrytaj architektury biaśpieki pry ŭzajemnaj pavazie intaresaŭ, a iluzijami i pierakanańniami pieramožcaŭ u chałodnaj vajnie ».
U skančeńni svajoj pramovy rasijski ministr padkreśliŭ, što ŭkrainski kryzis «nie moža być urehulavana z dapamohaj vajennaj siły», i vykazaŭ nadzieju, što pieramovy, jakija adbylisia ŭ piatnicu ŭ Maskvie, z udziełam prezidentaŭ RF i Francyi, a taksama kanclera FRH, pryniasuć vynik. «Jość usie mahčymaści dasiahnuć vynikaŭ i ŭzhadnić rekamiendacyi, jakija dazvolać bakam realna raźviazać hety kanfliktny vuzieł», - skazaŭ Siarhiej Łaŭroŭ.
Dalej udzielnikam kanfierencyi dali mahčymaść zadać rasijskamu hościu niekalki pytańniaŭ. I tut zdaryŭsia skandał. Słova ŭziaŭ staršynia Kamiteta Jeŭraparłamienta pa źniešniaj palitycy Elmar Brok, jaki zajaviŭ, što, dałučyŭšy Krym, Rasija parušyła klučavyja mižnarodnyja normy. Siarhiej Łaŭroŭ ž adkazaŭ, što ŭ Krymu ŭsio adbyłosia ŭ adpaviednaści sa Statutam AAN. «U Statucie AAN jość niekalki pryncypaŭ, i prava nacyj na samavyznačeńnie staić na klučavym miescy, a terytaryjalnaja cełasnaść, suvierenitet abaviazany pavažacca», - skazaŭ ministr. U hety momant Elmar Brok i mnohija inšyja delehaty z zachodnich krain pačali hučna śmiajacca, supravadžajučy naśmieški źjedlivymi kamientarami. Siarod udzielnikaŭ kanfierencyi – bolš za 20 kiraŭnikoŭ dziaržaŭ i ŭradaŭ i kala 60 ministraŭ zamiežnych spraŭ i abarony.
Siarhiej Łaŭroŭ adreahavaŭ strymana: źviartajučysia da Elmara Brok, jon skazaŭ, što kali toj zadavaŭ svajo pytańnie, jamu taksama było śmiešna, ale jon «strymaŭsia».
