Kali žančyna lažała na padłozie, robat vykonvaŭ uborku i nie ŭspryniaŭ jaje za pieraškodu. Robat praciahnuŭ vykonvać uborku i pačaŭ zasmoktvać jaje vałasy. Žančyna była doma adna i nie zmahła samastojna vyzvalić hałavu, tamu źviarnułasia pa dapamohu pažarnych.
Žančyna nie paciarpieła, los robata nieviadomy.
***
Adzin z troch zakonaŭ robatatechniki Ajzieka Azimava kaža: «Robat nie moža naškodzić čałavieku abo, praź niačynnaść, dazvolić, kab čałavieku naškodzili». Try zakony robatatechniki šyroka raspaŭsiudžanyja ŭ navukova-fantastyčnaj litaratury, ale nie pryniatyja ŭ realnym śviecie.
Heta nie pieršy vypadak, kali robat-pyłasos škodzić čałavieku. Tak, u 2013 hodzie robat-pyłasos u Aŭstryi «ździejśniŭ samahubstva»: śćviardžajecca, što vyklučany robat sam zapuściŭsia i zajechaŭ na elektraplitu, spaliŭsia sam i padpaliŭ uvieś dom. Pažarnyja evakujavali budynak i patušyli pažar, nivodny čałaviek nie paciarpieŭ.
Pieršy vypadak zabojstva robatam čałavieka zafiksavany ŭ 1971 hodzie. Tady złamany robat skinuŭ rabočaha zavoda Kavasaki ŭ drabiłku, čałaviek nie vyžyŭ.