4 lutaha jany startavali z Maskvy i płanujuć naviedać relihijnyja abjekty u Navapołacku, Babrujsku, Homieli, Smalensku, Bransku.
U Minsk «Načnyja vaŭki» nie zavitali, ale 6 lutaha naviedali mohiłki sv. Valanciny Minskaj i Chram u honar Śviaciciela Mikałaja ŭ Stańkavie, jakomu padaravali ikonu, pryviezienuju ź Sierbii.
Bajkiery pryjechali na aŭtamabilach — uzimku jany nie karystajucca motatechnikaj.
Staršynia Fiederacyi motaturyzmu Rasii Jaŭhien Strohanaŭ uznačalvaje motapałomnictva «Načnych vaŭkoŭ» u Biełaruś.
Strohanaŭ pieradaŭ Chramu ŭ honar Śviaciciela Mikałaja ŭ Stańkavie ikonu, jakuju, pavodle jaho słovaŭ, pryvieźli ź Sierbii.
Udzielniki motapałomnictva.
U adkaz «Načnym vaŭkam» taksama padaryli ikonu.
Udzielniki motapałomnictva.
Ściah Navarosii na kiepcy ŭdzielnika motapałomnictva.
Sa Stańkava «Načnyja vaŭki» vypravilisia ŭ Babrujsk.
«Načnyja vaŭki», jakija źjaŭlajucca adnym ź pieršych motakłubaŭ na postsavieckaj prastory, viadomy ŭ asnoŭnym svajoj «patryjatyčnaj» dziejnaściu lidara Alaksandra Załdastanava pa mianušcy «Chirurh».
Załdastanaŭ padtrymlivaje ciesnyja adnosiny z Pucinym i Kadyravym, ciopła vykazvajecca pra Stalina i byŭ uniesieny ŭ sankcyjny śpis ZŠA. Niadaŭna «Chirurh» staŭ adnym ź inicyjataraŭ stvareńnia ruchu «Antymajdan», jaki musić abaranić Rasiju ad aranžavych revalucyj.
