5 lutaha pravaabaroncy «Viasny» praviali akcyju salidarnaści z aktyvistami anarchisckaha ruchu, biespadstaŭna asudžanymi da aryštaŭ.
Apošnim časam było zatrymana 6 aktyvistaŭ anarchisckaha ruchu, u tym liku i Alaksandr Franckievič. Usich zatrymanych pakarali administracyjnymi aryštami ad 10 da 25 sutak. Na kožnaha byŭ składzieny pratakoł pa art. 23.4 «Niepadparadkavańnie zakonnym patrabavańniam» supracoŭnikaŭ milicyi, dvaich jašče abvinavacili ŭ niecenzurnaj łajancy (art.17.1 «Drobnaje chulihanstva»). Jość padstavy mierkavać, što pryčynaj zatrymańniaŭ stali akcyi suprać biespadstaŭnych aryštaŭ udzielnikaŭ pank-kancertu ŭ kłubie «Piraty».
«My rasceńvajem hetyja aryšty jak kłasičny prykład advolnych zatrymańniaŭ i vykazvajem salidarnaść ź ludźmi, jakija byli niezakonna pazbaŭleny voli. Takim čynam my pratestujem suprać praktyki vykarystańnia advolnych zatrymańniaŭ u Biełarusi, jakija apošnim časam nabyli sistematyčny charaktar i źjaŭlajucca adnym ź vidaŭ palityčnych represij suprać hramadska-aktyŭnych ludziej», — patłumačyŭ namieśnik staršyni Pravaabarončaha centru «Viasna»Valancin Stefanovič.
