U budučym nie vyklučana pavieličeńnie kolkaści testaŭ CT, jakija moža zdavać adzin čałaviek u chodzie ŭstupnaj kampanii. Ab hetym zajaviŭ siońnia ministr adukacyi Biełarusi Michaił Žuraŭkoŭ.
«Nie vyklučaju, što, moža, u dalejšym my da hetaha pytańnia vierniemsia, i buduć niejkija zruchi ŭ napramku źmianieńnia kolkaści testaŭ CT. U bližejšuju kampaniju hetaha nie budzie. Ale budziem dumać, pakolki niama absalutna pravilnaj i daskanałaj sistemy. Treba zaŭsiody ŭdaskanalvacca i iści napierad», — skazaŭ ministr.
Pry hetym jon adznačyŭ, što ŭ lubym vypadku praviły hulni buduć vyznačany zahadzia. Ab novych praviłach abjaviać jak minimum za hod.
Akramia taho, Michaił Žuraŭkoŭ padkreśliŭ, što pytańnie pavieličeńnia kolkaści testaŭ nie takoje prostaje. Taksama jon adznačyŭ, što i dziciaci, i baćkam treba bolš hłyboka ŭnikać u budučuju prafiesiju. «Napeŭna, treba na bolš rańnim etapie vyznačacca z vybaram prafiesii», — skazaŭ ministr.
