Fota: maxisciences.com
Pa doli vykananych zamoŭ pieršaje miesca ŭ 2014 hodzie zastałosia za Ukrainaj z 33%, za joj iduć Rasija, Rumynija, Sierbija i Polšča. Niahledziačy na ciažki hod, dola Ukrainy na rynku fryłans-prahramavańnia ŭpała tolki na 7,6%.
Na 6 miescy Biełaruś z 3,5% rynku aŭtsors-prahramavańnia na fryłans-biržach.
Dola Biełarusi ŭ paraŭnańni z 2013 hodam upała na 10%. Rekardsmien pa roście — Čarnahoryja z 150% rostu za hod, za joj iduć Słavakija i Sierbija. Samaje značnaje padzieńnie ŭ Łatvii, 33% za hod.
Samyja vysokaapłatnyja fryłansiery Uschodniaj Jeŭropy — estoncy, jakija zarablajuć 26,9 dalaraŭ na hadzinu. Za imi — rasijanie (25,9$) i čarnahorcy (25,4$).
Čaćviertaje miesca dzielać palaki i biełarusy, što atrymlivajuć za pracu fryłansiera 25,3 dalary na hadzinu.
Cikava supastaŭlajucca dźvie ličby ŭ rejtynhach. Čarnahoryja, što pavialičyła svaju dolu na rynku na 150%, źniziła pakaźnik zarobku na 24%. A Łatvija, što pavialičyła zarobak na hadzinu amal na 30%, straciła 33% rynku.
Absalutnaja bolšaść zamoŭ uschodniejeŭrapiejskim fryłansieram, 44%, pastupaje z ZŠA. Na druhim miescy z 8,3% Vialikabrytanija, za joj z 5,7% Aŭstralija. Najbolšy rost kolkaści zamoŭ — 300% — pakazała Bałharyja, a najbolšy spad, na 63,6%, — Arabskija Emiraty.
Najbolš ščodra pracu uschodniejeŭrapiejskich fryłansieraŭ apłočvaje Lichtenštejn — 53,7 dalaraŭ na hadzinu. Siarod top-10 zamoŭcaŭ samaja vysokaja apłata ŭ Šviecyi — 26,6 dalaraŭ na hadzinu.