Na ŭschodzie Ukrainy zahinuli ŭžo minimum 5 358 čałaviek, paviedamiŭ Viarchoŭny kamisar AAN pa pravach čałavieka Ziejd Raad al-Husiejn.
Jašče 12 253 čałaviek byli paranienyja.
Tolki za apošnija try tydni studzienia zahinuli prynamsi 224 hramadzianskija, paviedamili ŭ ofisie Viarchoŭnaha kamisara.
«Aŭtobusnyja prypynki i hramadski transpart, rynki, škoły i sadki, balnicy i žyłyja kvartały Danieckaj i Łuhanskaj abłaściej stali polem boju, što źjaŭlajecca vidavočnym parušeńniem mižnarodnaha humanitarnaha prava, jakoje rehuluje pavodziny bakoŭ va ŭzbrojenym kanflikcie», — zajaviŭ Ziejd Raad.
«Abarona hramadzianskich ludziej usimi bakami kanfliktu pavinna mieć pryjarytetnaje značeńnie. Usie parušeńni mižnarodnaha humanitarnaha prava i prava ŭ halinie pravoŭ čałavieka pavinna być staranna rasśledavana, a parušalniki — pryciahnuty da adkaznaści», — dadaŭ jon.
