Siońnia paŭstajuć nie tolki palityčna-sacyjalnyja ŭtopii. Hetym zajmajucca i prychilniki luksusnych praduktaŭ, najpierš kaśmietyčnych.
U Viersali sustrelisia členy ŭpłyvovaj hramadskaj arhanizacyi, jakaja abjadnoŭvaje vytvorcaŭ luksusnych brendaŭ na terytoryi Francyi «Comit? Colbert».
Padčas hetaj sustrečy stvaralnikam elitarnych brendaŭ (darečy, nie tolki francuzskich) była prademanstravanaja 270 staronkavaja tvorčaja praca «Mary 2074. Utopija, stvoranaja Francuzskaj Raskošaj».
Pisali knihu aŭtary navukovaj fantastyki, tamu ŭtopija čytajecca pryjemna, ale ź idejami pra budučyniu hramadskaj arhanizacyi, peŭna, pahadzilisia b daloka nie ŭsie.
Mary na toje i mary, što ŭ ich niama kiepskaha. Chutčej aŭtary skancentravalisia na luksusie.
Jany zapeŭnivajuć, što jon praz 59 hadoŭ pierastanie asacyjavacca z materyjalnymi vyhodami. Raskoša sama stanie vartaściu — simvałam voli, žyćcia čałavieka ŭ harmonii z pryrodaj.
