itar-tass.com
Deputaty Dziarždumy prapanavali zapatrabavać ad Hiermanii kampiensacyi ŭronu za napad na SSSR. Acenkaj sumy, jakuju płanujuć vystavić u jakaści abaviazacielstvaŭ pa reparacyjach, zojmiecca śpiecyjalna stvoranaja rabočaja hrupa, u aŭtorak.
«Faktyčna Hiermanija nie zapłaciła SSSR nijakich reparacyj za razbureńni i źvierstvy ŭ čas Vialikaj Ajčynnaj vajny. Z HDR paśla vajny było zaklučana pahadnieńnie ab spynieńni źbirańnia reparacyj, z FRH i tym bolš abjadnanaj Hiermanijaj takich pahadnieńniaŭ zaklučana nie było, a značyć, pytańnie adkrytaje», — udakładniŭ deputat Dziarždumy ad ŁDPR Michaił Dziehciaroŭ.
Jon nahadaŭ, što Hiermanija pakryła škodu navat tym krainam, jakija nie prymali ŭdzieł u Druhoj suśvietnaj vajnie. Tak, pavodle jaho słoŭ, Izrail u ramkach «kampiensacyi nacyjanał-sacyjalistyčnych niespraviadlivaściaŭ» atrymaŭ zvyš 60 miljardaŭ jeŭra. «Atrymlivajecca, Hiermanija vypłaciła kampiensacyi šaści miljonam achviaram Chałakostu, ale pry hetym praihnaravała 27 miljonaŭ zabitych savieckich ludziej. Miarkuju, što vynikovaja suma reparacyj u biahučych cenach pavinna być nie mienš za try-čatyry miljardy jeŭra, jakija Hiermanija pavinna zapłacić pravapierajemniku SSSR — Rasii», — padkreśliŭ parłamientaryj.
Ekśpierty sychodziacca ŭ mierkavańni, što choć pretenzii da Hiermanii i abhruntavanyja, spahnać reparacyi praz 70 hadoŭ paśla zakančeńnia vajny amal nierealna.
