Amierykanskaja łaziernaja harmata LaWS źniščyła celi na vadzie i ŭ pavietry padčas vyprabavańniaŭ vosieńniu minułaha hodu, śviedčyć efiektnaje videa, jakoje apublikavaŭ aficyjny sajt Vajenna-marskoha fłotu ZŠA.
Łaziernaja harmata LaWS, fota i0.wp.com
Na videa bačna, jak aficer, karystajučysia pultam, jaki vielmi padobny na pult dla prystavačnaj hulni, źniščaje abjekt na borcie karabla-mišeni, a taksama źbivaje bieśpiłotnik.
Pry hetym vajskoŭcy adznačajuć, što košt 1 streła z łaziernaj harmaty — 59 amierykanskich centaŭ, to bok nieparaŭnalna tańniejšy za košt navat samaj tannaj rakiety ci snarada. Adnačasova mocnyja aptyčnyja sistemy łaziernaj sistemy akazalisia karysnymi jak taktyčny srodak vyviedki.
Harmata, asnoŭnaja zadača jakoj — abarona bližniaj zony karabla, była ustalavanaja na desantnym karabli «Pons» (USS Ponce, LPD-15), jaki vykarystoŭvajecca fłotam jak płatforma dla novych technałohij.
Zhodna z aficyjnaj zajavaj, zbroja prademanstravała takuju efiektyŭnaść padčas vyprabavańniaŭ, što kamandzir karabla ŭžo atrymaŭ dazvoł na vykarystańnie łaziera ŭ bajavych situacyjach.
Łazier mahutnaściu ŭ 40 kiłavat i ŭsie nieabchodnyja sistemy dla naviadzieńnia harmaty byli raspracavanyja za $11 młn kampanijaj Kratos Defense & Security Solutions.
