Kancler Hiermanii Anhieła Mierkiel, jakaja znachodzicca ź vizitam u Budapiešcie, zajaviła, što kanflikt na ŭschodzie Ukrainy nie moža być vyrašany vajennymi srodkami.
Mierkiel zaklikała da spynieńnia ahniu ŭ adpaviednaści ź Minskimi damoŭlenaściami vieraśnia 2014 hoda. Hiermanija nie budzie pastaŭlać zbroju Ukrainie, padkreśliła jana.
Mierkiel vystupiła ŭ Budapiešcie, dzie sustrakałasia z premjer-ministram Vienhryi Viktaram Orbanam. Mierkiel i Orban padtrymali ideju stvareńnia zony svabodnaha handlu pamiž Jeŭrasajuzam i Jeŭrazijskim ekanamičnym sajuzam.
Uśled za hetym vizitam pavinny adbycca i inšyja — u pryvatnaści, 17 lutaha ŭ Vienhryju z aficyjnym vizitam pryjedzie prezident Rasii Uładzimir Pucin. Zatym Budapiešt naviedajuć prezidenty Turcyi, Hruzii i pradstaŭniki NATA.
