U Pskoŭskaj vobłaści z 1 lutaha admienienyja pryharadnyja elektryčki. Pra heta ahienctvu FlashNord raspaviali ŭ «Paŭnočna-Zachodniaj pryharadnaj pasažyrskaj kampanii», jakaja źjaŭlajecca «dačkoj» RČ.
TASS
«Biez sfarmavanaj zamovy subjekta RF kampanii-pieravozčyku z 1 lutaha pryharadny čyhunačny ruch pa terytoryi Pskoŭskaj vobłaści admienieny ŭ poŭnym abjomie», — raspavioŭ pradstaŭnik kampanii.
Namieśnik hubiernatara vobłaści Alaksandr Kuźniacoŭ raspavioŭ, što admiena pryharadnaha čyhunačnaha ruchu stała adkazam na patrabavańnie RČ kampiensavać nieabhruntavana zavyšany sabiekošt prajezdu. Jon taksama paabiacaŭ, što ŭ 2015 hodzie elektryčki zamieniać aŭtobusnymi maršrutami. Dla hetaha, pavodle jaho słoŭ, užo ŭviedzienyja 18 dadatkovych rejsaŭ.
Prezident RČ Uładzimir Jakunin nazvaŭ niasłušnaj sprobu zamieny pryharadnaha čyhunačnaha ruchu aŭtobusami. «Bolšaść rehijonaŭ nie biaruć na siabie adkaznaść za arhanizacyju pieravozak, nie chočuć płacić za pasłuhi RČ, miarkujučy, što elektryčki ŭsio roŭna buduć chadzić, navat kali ŭ ich biudžecie zastaniecca nul rubloŭ na hetyja mety», — napisaŭ Jakunin u svaim błohu. Pavodle jaho słoŭ, u pieršuju čarhu heta tyčycca Vałahodskaj, Leninhradskaj, Ćviarskoj, Naŭharodskaj, Pienzienskaj, Amurskaj, Pskoŭskaj i Biełharadskaj abłaściej, a taksama Zabajkalskaha kraju.
Nahadajem, z 1 studzienia byŭ admienieny čyhunačny ruch u Vałahodskaj vobłaści. U mnohich inšych rehijonach adbyvajecca skaračeńnie kolkaści rejsaŭ pryharadnych ciahnikoŭ.
