U samalocie, jaki lacieŭ pa maršrucie Maskva—Sankt-Pieciarburh zdaryłasia absurdnaja situacyja. Razam z deputatam Vitalom Miłonavym, jaki inicyjavaŭ zakon ab uviadzieńni administratyŭnaj adkaznaści za prapahandu homaseksualizmu, lacieli aktyvistki ŁHBT-supolnaści.
Na fonie deputata, dziaŭčyny pačali horača całavacca i rabić sełfi. Paśla fotazdymki trapili ŭ internet.
Fota z akaŭnta Ŭkantakcie Kseniya Infinity
Deputat vidavočna nie ŭchvaliŭ ich pavodziny i byŭ vielmi zaniepakojeny.
Vital Miłonaŭ — rasijski palityk, člen partyi «Adzinaja Rasija». Viadomy ekstravahantnymi zakanadaŭčymi inicyjatyvami, siarod jakich — zakonaprajekt ab uviadzieńni administratyŭnaj adkaznaści za prapahandu homaseksualizmu, prapanovy zabaranić vyvučeńnie ŭ škołach teoryi Darvina i stvaryć u Sankt-Pieciarburhu palicyju noravaŭ z kazakoŭ i pravasłaŭnych viernikaŭ.