Staršynia Minharvykankama Andrej Šorac prymie strohija miery za biesparadak u padvałach i na paddaškach žyłych damoŭ. Ab hetym jon zajaviŭ na apieratyŭnaj naradzie ŭ harvykankamie.
Zhodna z vynikami pravierki, jakuju praviali supracoŭniki MNS pa daručeńni staršyni Minharvykankama, paradak u padvałach, na paddaškach i ŭ miescach ahulnaha karystańnia naviedzieny nie va ŭsich staličnych damach, chacia ŭ studzieni biahučaha hoda adrasy prablemnych u hetych adnosinach damoŭ byli pieradadzieny ŭ žyllova-kamunalnuju słužbu.
Jak raskazaŭ načalnik Minskaha haradskoha ŭpraŭleńnia MNS Dźmitryj Biahun, u Leninskim rajonie nie abmiežavany dostup u padvały, techničnyja pamiaškańni i paddaški pa vaśmi adrasach, nie ačyščany ad śmiećcia adzin padvał. U Frunzienskim rajonie nie abmiežavany dostup u padvały pa vaśmi adrasach, nie ačyščany ad chłamu čatyry padvały i 34 miescy ahulnaha karystańnia. U Zavodskim rajonie adkryty dostup da vaśmi padvałaŭ i paddaškaŭ, śmiećcie nie prybrana pa vaśmi adrasach, zachłamleny miescy ahulnaha karystańnia pa siami adrasach. U Kastryčnickim rajonie nie ačyščany ad śmiećcia padvały i miescy ahulnaha karystańnia ŭ šaści damach. U Savieckim rajonie nie abmiežavany dostup u padvał pa adnym adrasie, u Pieršamajskim — pa čatyroch, u Maskoŭskim — pa vaśmi adrasach. U Partyzanskim rajonje adkryty padvały pa 28 adrasach, zachłamleny dva padvały i 11 miesc ahulnaha karystańnia, u Centralnym rajonie nie ačyščany ad śmiećcia padvały dvuch damoŭ.
U suviazi z hetym staršynia Minharvykankama daručyŭ pryciahnuć da administracyjnaj adkaznaści vinavatych słužbovych asob, jakija nie prakantralavali ŭstaranieńnie parušeńniaŭ, a taksama navieści paradak pa nazvanych adrasach.
