Rasijskija siły praciahvajuć sproby zachapić važny čyhunačny vuzieł Debalcava. Debalcaŭski vystup klinam uvachodzić u terytoryju, jakuju kantraluje DNR. Kab adbić hety horad, rasijcy skancentravali abapał vystupu šmat tankaŭ, braniatechniki i artyleryi. Miarkujučy pa infarmacyi z rajona bajoŭ, napadajučy bok nie ličycca sa stratami.
Tolki na hetym videa, źniatym sieparatystami, — try rasijskija tanki, padbityja na adnym łapiku.
Infarmacyja 31 studzienia prychodziła supiarečlivaja. Miarkujučy pa ŭsim, u Vuhlahorsku praciahvalisia vuličnyja bai. Abodva baki atakavali i kontratakavali. Kamandzir bataljona «Danbas» Siamion Siamienčanka paviedamiŭ pra debłakavańnie 70 ukrainskich vajskoŭcaŭ u Vuhlahorsku.
Rasijcy intensiŭna abstrelvali Debalcava. Miedyk havorać ab prynamsi 12 zabitych ź liku mirnych žycharoŭ.
Mirnyja pieramovy ŭ Minsku 31 studzienia nie dali nijakaha vyniku. Rasijskija siły patrabujuć faktyčnaj kapitulacyi ŭkrainskaj armii — adnabakovaha prypynieńnia ahniu.