Pra heta paviedamiŭ načalnik słužby hidramietearałahičnych prahnozaŭ Respublikanskaha centra pa hidramietearałohii, kantroli radyjeaktyŭnaha zabrudžvańnia i manitorynhu navakolnaha asiarodździa Dźmitryj Rabaŭ.
Pavodle jaho słoŭ, «u subotu terytoryja Biełarusi apyniecca pad upłyvam aktyŭnych atmaśfiernych frantoŭ ad paŭdniovaha cykłonu, jaki budzie źmiaščacca ŭzdoŭž našych zachodnich miežaŭ, i praz našu krainu buduć prachodzić aktyŭnyja frantalnyja raździeły, śledam za jakimi buduć pastupać ciopłyja niaŭstojlivyja pavietranyja masy z poŭdnia Jeŭropy; atmaśfierny cisk budzie intensiŭna padać».
Časam čakajucca apadki (doždž, mokry śnieh), miescami mocnyja apadki.
Nočču i ranicaj miescami nalipańnie mokraha śniehu, tuman, słaby hałalod. Na asobnych učastkach daroh hałalodzica.
Ranicaj i dniom na bolšaj častcy terytoryi krainy ŭzmacnieńnie vietru paryvami da 15—20 m/s. Tempieratura pavietra nočču minus 2 — plus 3°S, dniom plus 1—6°S, pa paŭdniovym uschodzie da plus 8°S.
U Minsku vobłačna, časam apadki (doždž, mokry śnieh). Nočču i ranicaj słabyja tuman i hałalod. Na asobnych učastkach daroh hałalodzica. Viecier paŭdniova-ŭschodni 6—11 m/s, paryvy da 14 m/s, ranicaj i dniom paryvy da 15—20 m/s. Tempieratura pavietra nočču 0 — plus 2°S, dniom plus 3—5°S.
«U niadzielu vialikaja častka krainy budzie znachodzicca pad upłyvam druhoha paŭdniovaha cykłonu i aktyŭnych atmaśfiernych frantoŭ. Jany buduć užo źmiaščacca praz paŭdniovy ŭschod krainy i pryniasuć na bolšuju častku terytoryi apadki (u asnoŭnym śnieh, mokry śnieh), miescami pa ŭschodzie mocnyja apadki. U asobnych rajonach słaby hałalod, nalipańnie mokraha śniehu, słabaja miacielica.
U suviazi z tym, što tempieratura pavietra znoŭ pačnie panižacca i składzie nočču minus 5 — plus 1°S, dniom minus 2 — plus 3°S, na darohach čakajecca hałalodzica», — paviedamiŭ Rabaŭ.
Pavodle jaho słoŭ, u paniadziełak na bolšaj častcy terytoryi krainy karotkačasovy śnieh, mokry śnieh, nočču pa paŭdniovym uschodzie miescami mocny śnieh, nalipańnie mokraha śniehu, słabaja miacielica. U asobnych rajonach słaby hałalod, na darohach hałalodzica. Tempieratura pavietra nočču 0 — minus 6°S, dniom minus 3 — plus 2°S.
3—4 lutaha nadvorje abumović vobłaść panižanaha atmaśfiernaha cisku, sfarmiravanaja ŭ bolš chaładnavataj niaŭstojlivaj pavietranaj masie. U aŭtorak na bolšaj častcy terytoryi karotkačasovy śnieh. Na asobnych učastkach daroh hałalodzica. Tempieratura nočču minus 1—7°S, dniom minus 4 — plus 1°S. U sieradu miescami karotkačasovy śnieh. Na asobnych učastkach daroh hałalodzica. Tempieratura nočču minus 2—7°S, pry prajaśnieńniach da minus 10°S, dniom minus 4 — plus 2°S.
