«Na vypadak, kali vy jašče nie čuli: Miesiac znoŭ u trendzie. I heta tolki pačatak», — kaža dyktar Cim Alen (hołas Baza Łajtara ŭ «Historyi cacak») ŭ videa, što raspaviadaje pra historyju zasvajeńnia spadarožnika Ziamli.
Asvajeńnie Miesiaca spyniłasia pa zaviaršeńni kaśmičnaj honki miž ZŠA i SSSR z raspadam apošniaha. Ale dla novaj kaśmičnaj honki čarhovaja Chałodnaja vajna nie spatrebicca.
Hetym videa Google padtrymlivaje intares da premii Google Lunar X PRIZE, tłumačyć TJournal. Hałoŭny pryz u 20 młn dalaraŭ atrymaje toj, chto pryziamlić miesiacachod na pavierchniu Miesiaca i projdzie ź jaho dapamohaj nie mieniej za 500 mietraŭ, pieradajučy vyjavy na Ziamlu. 26 studzienia Google raźmierkavała pieršyja hranty na sumu 5,25 młn dalaraŭ, ź ich 1,75 młn dastałosia kampanii.
NASA i pryvatnyja amierykanskija dy mižnarodnyja arhanizacyi majuć ambicyjoznyja kaśmičnyja płany, ad tannych palotaŭ u kosmas sa šmatrazovymi rakietami SpaceX da kałanizacyi Marsa. Ab płanach pa zasvajeńni Miesiaca zajaŭlała Rasija, ale joj, vidać, pryjdziecca zastacca na ziamnoj arbicie.
