itar-tass.com
Staršynia Dziaržaŭnaj dumy Rasii Siarhiej Naryškin vystupiŭ z zajavaj, u jakoj daručyŭ kamitetu pa mižnarodnych spravach zaniacca pytańniem pryniaćcia zajavy ab asudžeńni anieksii Hiermanskaj Demakratyčnaj Respubliki Fiederatyŭnaj Respublikaj Hiermanija ŭ 1989 hodzie.
Pieršapačatkova z takoj prapanovaj vystupiŭ deputat ad KPRF Mikałaj Ivanoŭ. Naryškin, pa słovach Ivanova, padviarhaŭsia napadkam z boku staršyni PASIE An Brasier, jakaja abvinavaciła Rasiju ŭ «anieksii» Kryma.
«Prapanuju ŭ jakaści kroku ŭ adkaz dać daručeńnie kamitetu pa mižnarodnych spravach padrychtavać zajavu, što asudžaje anieksiju Hiermanskaj demakratyčnaj respubliki Fiederatyŭnaj respublikaj Hiermanija ŭ 1989 hodzie. Tym bolš što, u adroźnieńnie ad Kryma, u HDR ahulnanarodny refierendum praviedzieny nie byŭ», — skazaŭ jon.
Naryškin paprasiŭ profilny kamitet Dziarždumy pa mižnarodnych spravach vyvučyć pytańnie i «asobna paviedamić».
Bierlinskaja ściana, jakaja adździalała HDR ad FRH pała ŭ 1989 hodzie. Hodam paźniej HDR, zhodna z Damovaj ab abjadnańni Hiermanii, uvajšła ŭ skład FRH.
