Kinaaktrysa Tylda Suintan i dyrektar Palais Galliera Aliŭje Sajar pakazali svoj pierformans «Cloakroom» u fłarentyjskim teatry Pierhoły ŭ ramkach Pitti Uomo.
Ideja i sama struktura pierformansu davoli nieskładanaja i prazrystaja. Rečy jak adlustravańnie svaich haspadaroŭ: ich zahanaŭ, ich pamyłak — i pamiaci pra ich.
Pierformans palahaje na tym, što hledačy ŭstajuć ŭ čarhu i addajuć Tyldzie ŭ ruki niešta sa svaich rečaŭ, ź jakimi jana potym robić niejkija dziejańni: hładzić ich, kusaje, kidaje, kładzie ŭ kišeniu survetku z adbitkam svaich vusnaŭ. I, u rešcie rešt, kładzie na ich kareńčyk z numaram i pakidaje na krai stała.
Dalej reč biare Aliŭje i pieradaje asistentcy. A ŭ finale usio z numarami padychodziać da Tyldy i Aliŭje i atrymlivajuć ź ich ruk nazad svaje palito, pinžaki, halštuki, šaliki i ajfony.