Stan atmaśfiernaha pavietra ŭ Minsku aceńvajecca jak stabilna dobry. Ab hetym paviedamiŭ na pasiadžeńni kalehii, pryśviečanaj vynikam raboty Minskaha haradskoha kamiteta pryrodnych resursaŭ i achovy navakolnaha asiarodździa za 2014 hod i zadačach na 2015-y, staršynia kamiteta Alaksandr Baravikoŭ.
«Pa vynikach 2014 hoda stan atmaśfiernaha pavietra ŭ Minsku aceńvajecca jak stabilna dobry. Praktyčna pa ŭsich pakazčykach jakaść pavietra ŭ stalicy lepšaja, čym u abłasnych centrach. Asablivuju zakłapočanaść vyklikaje zabrudžvańnie drobnadyśpiersnym pyłam PM10, svoj układ unosić i pył z budplacovak», — skazaŭ Alaksandr Baravikoŭ.
U minułym hodzie minskija pradpryjemstvy vykinuli ŭ pavietra nie bolš jak 25,1 tys. t zabrudžvalnych rečyvaŭ. Taki ž pakazčyk byŭ i ŭ 2013 hodzie, u 2012-m jon skłaŭ 26 tys. t. Transpart, jaki źjaŭlajecca važniejšaj krynicaj zabrudžvańnia pavietra (bolš jak 85 pracentaŭ vykidaŭ), u minułym hodzie vykinuŭ amal 160 tys. t. Heta značyć usiaho ŭ stalicy ŭ pavietra było vykinuta prykładna 185 tys. t zabrudžvalnych rečyvaŭ. Dla paraŭnańnia: u 2008-2009 hadach heta ličba nabližałasia da 250 tys. t.
