Fota Shutterstock
Kurč — davoli raspaŭsiudžanaja źjava. Bol pry hetym vyklikany raptoŭnym mižvolnym skaračeńniem adnoj abo niekalkich ciahlic.
Vielmi časta kurčy adčuvajucca na ciahlicach noh. Ich praciahłaść zvyčajna ad niekalkich siekund da niekalkich chvilin.
Dakładnyja pryčyny kurču miedycynaj da kanca tak i nie vyvučanyja, ale jość faktary ryzyki, jakija pryvodziać da hetaj źjavy.
Časta kurčy ŭźnikajuć padčas abo adrazu paśla praciahłaj fizičnaj aktyŭnaści, asabliva kali joj nie papiaredničaje abaviazkovy dla ciahlic razahreŭ.
Pryčynaj moža być taksama abiazvodžvańnie i deficyt minieralnych solaŭ u vyniku značnaha adździaleńnia potu.
Kurčy ŭźnikajuć paśla fizičnych praktykavańniaŭ (asabliva kurč noh) u vyniku niedastatkovaj cyrkulacyi kryvi ŭ ciahlicach, jak heta časta byvaje ŭ vypadku aterasklerozu.
Lišniaja vaha i niekatoryja vidy lekaŭ taksama mohuć pryvieści da kurčaŭ.
Adnak časta myšcy zvodzić kurčam navat u stanie spakoju, časta nočču, padčas snu.
Pryčyna hetaha, chutčej za ŭsio, u deficycie kaliju, kalcyju ci mahniju. Choć časam kurčy nie što inšaje, jak prykmieta patałahičnaha stanu značna bolš surjoznaha (aniemija, ścisk nierva, dyjabietu, chraničnaj hipahlikiemii).
Pieršaja dapamoha padčas kurču:
• Raściažeńnie ciahlicy i masaž balučaha ŭčastku, z metaj sadziejničać pasłableńniu ciahlic.
• Chałodny kampres na ciahlicu, da poŭnaha jaje rassłableńnia.
• Haračy kampres na balučyja ŭčastki, kali bol paśla kurču zastajecca.
• Limon: Dla lačeńnia kurčaŭ noh, jakija ŭźnikajuć paśla napružanaj treniroŭki, vypicie šklanku vady ź limonam, dadaŭšy trochi soli.
Jak pazbavicca ad kurčaŭ?
Rekamiendujecca dyjeta, bahataja vitaminami i minierałami: zialonaja listavaja harodnina, špinat, ryba, tofu («sojevy tvorah»), arechi, małako, johurt, banany, cełaje ziernie złakavych raślin, nasieńnie kunžutu i słaniečnika.
Karysnyja taksama ekstrakty niekatorych raślin: konskaha kaštana, hamamielisa, hinkha.
Picie šmat vady pierad, padčas i paśla luboj fizičnaj aktyŭnaści.
Zabiaśpiečvajcie naležny razahreŭ ciahlicy pierad kožnym siłavym praktykavańniem.
Zrabicie niekalki praktykavańniaŭ na raściažku pierad snom (kali kurčy, jak praviła, źjaŭlajucca ŭnačy).
Užyvajcie preparaty kaliju abo mahniju, kali dyjeta nie ŭ stanie pakryć patreby.
U vypadku častych kurčaŭ ich lačeńnie (a taksama prafiłaktyka) pryznačajecca paśla abśledavańnia i kansultacyi z doktaram.
