Foto Reuters
Prezident ZŠA Barak Abama ŭ niadzielu ranicaj prybyŭ u Indyju z aficyjnym vizitam, na jaki abodva baki ŭskładajuć vialikija nadziei.
Ahienctva AR adznačaje, što vizit nosić biesprecedentny charaktar, pakolki ŭpieršyniu ŭ historyi amierykanski prezident naviedvaje Indyju druhi raz za čas znachodžańnia na pasadzie kiraŭnika dziaržavy.
Jak paviedamlajuć naziralniki, pa vynikach vizitu ZŠA raźličvajuć damahčysia značnaha raźvićcia adnosin ź Indyjaj u roznych halinach, u tym liku — supracoŭnictvie ŭ vajenna-techničnaj śfiery, «adsunuŭšy» Rasiju, u halinie ŭzajemnaha handlu, enierhietyki, uklučajučy jadziernuju, a taksama ŭ procidziejańni źmianieńniu klimatu, pieradaje «Interfaks».
Amierykanskaha prezidenta i pieršuju łedzi ŭ aeraporcie asabista sustrakaŭ premjer-ministr Indyi Narendra Modzi.
Foto Reuters
Kali Abama zyšoŭ z trapa, lidary dźviuch krain ciopła abnialisia. Pavodle aficyjnaha pratakoła, premjer-ministr Indyi zvyčajna nie sustrakaje zamiežnych lidaraŭ u aeraporcie, a čakaje ich u prezidenckim pałacy.
Modzi pryniaŭ rašeńnie parušyć hetuju tradycyju, čym ździviŭ navat svajo asiarodździe.
Foto Reuters
Paśla sustrečy ŭ aeraporcie kartež Abamy nakiravaŭsia da rezidencyi prezidenta Indyi Pranaba Kumara Mukierdžy. Zatym kiraŭnik administracyi ZŠA uskładzie kvietki da pomnika «baćku indyjskaj nacyi» — Machatmy Handzi. Paśla hetaha pačnucca pieramovy Abamy z premjer-ministram Modzi — pa šyrokamu kołu pytańniaŭ, uklučajučy jadziernuju śfieru i prablemy abarony.
U paniadziełak Abama stanie hałoŭnym hanarovym zamiežnym hościem na vajennym paradzie z nahody nacyjanalnaha śviata Indyi — Dnia respubliki.
Akramia taho, u zaklučny dzień vizitu pad kiraŭnictvam Abamy i Modzi adbudziecca amierykana-indyjski biźnies-samit z udziełam kiraŭnikoŭ najbujniejšych kampanij dźviuch dziaržaŭ.
U padrychtoŭcy da vizitu Abamy indyjskija ŭłady začyścili vulicy ad badziažnych sabak i śviatych žyvioł — karoŭ, jakich adpravili ŭ prytułki.
Raniej taksama paviedamlałasia, što indyjskija ŭłady raspačali napiaredadni vizitu Abamy biesprecedentnyja miery biaśpieki: na hmachach Ńju-Deli raźmiaścili srodki SPA, a patrulavać vulicy vyvieli da 40 tys. supracoŭnikaŭ słužby biaśpieki. U horadzie častkova abmiežavany ruch, na stancyjach mietro ŭviedzienyja dadatkovyja pravierki.
27 studzienia prezident i pieršaja łedzi Mišel Abama źbiralisia naviedać maŭzalej Tadž-Machał u Ahry. Adnak užo pierad samym vyletam z Vašynhtona hety punkt byŭ vyklučany z hrafika vizitu.
Było vyrašana, što prezident i pieršaja łedzi ZŠA palaciać u Er-Ryjad, kab vykazać spačuvańni ŭradu i narodu Saudaŭskaj Aravii ŭ suviazi sa śmierciu karala Abdały.
Abama sustreniecca z novym saudaŭskim manarcham Salmanov bien Abdel Aziz Al Saud.
U minułuju sieradu namieśnik pamočnika prezidenta ZŠA pa nacyjanalnaj biaśpiecy Ben Rods zajaviŭ, što Vašynhton razhladaje hetuju pajezdku jak unikalnuju mahčymaść vyvieści dvuchbakovyja adnosiny na «jakasna novy ŭzrovień».
U toj ža čas jon admoviŭsia paviedamlać, jakija damoŭlenaści mohuć być pryniatyja pa vynikach vizitu Abamy ŭ Indyju.
Jon tolki paćvierdziŭ, što abmiarkoŭvacca ŭ chodzie pajezdki budzie ŭvieś śpiektr dvuchbakovych i šmatbakovych pytańniaŭ. Jon adznačyŭ, što ŭ Vašynhtonie vysoka acanili zaprašeńnie Abamy ŭ jakaści hałoŭnaha hanarovaha zamiežnaha hościa na vajenny parad z nahody nacyjanalnaha śviata Indyi — Dnia respubliki.
Niadaŭna vizit Abamy ledź nie akazaŭsia pad pahrozaj admieny.
Padčas vizitu prezidenta RF Uładzimira Pucina ŭ Indyju Maskva ŭklučyła ŭ rasijskuju delehacyju kiraŭnika Kryma Siarhieja Aksionava. Adnak u Dziarždepie adnosiny z Deli abvastrać nie stali, abmiežavaŭšysia «zakłapočanaści» ŭ suviazi z pajezdkaj Aksionava.