Pałkoŭnik FSB Ihar Hirkin (Strałkoŭ), kiraŭnik pieršych šturmavych atradaŭ «DNR», u efiry adnoj z rasijskich prahram pryznaŭsia, što «apałčency» źbirali deputataŭ Kryma hałasavać za adździaleńnie ad Ukrainy.
«Ja ŭ Krymu byŭ z 21 lutaha. Na bok nasielnictva pierajšoŭ tolki «Bierkut», astatnija MUS znachodzilisia pad uładaj Kijeva i vykonvali jaho zahady. Tak, vykonvali nieachvotna, aby-jak. Ja ŭbačyŭ, što nijakaj padtrymki orhanaŭ dziaržaŭnaj ułady ŭ Simfieropali, dzie ja kankretna znachodziŭsia, nie było. Deputataŭ źbirali apałčency, što ŭžo tam kazać. Kab zahnać ich u zału, kab jany pryniali. Tak, ja byŭ adnym z kamandziraŭ hetych apałčencaŭ. Pra vojska ja naohuł nie kažu: jano jak padparadkoŭvałasia Kijevu, tak i praciahvała padparadkoŭvacca. Taksama nieachvotna, ja vioŭ pieramovy, ich pačynaŭ. Bolšaja častka padraździaleńniaŭ zastałasia viernaja Kijevu i vyjšła z terytoryi Kryma», — raskazaŭ Hirkin.
Nahadajem, 6 sakavik 2014 parłamient Kryma «adnahałosna prahałasavaŭ» za ŭstupleńnie ŭ skład Rasii.
