Učora, 25 studzienia, znachodziačysia ŭ Er-Ryjadzie (Saudaŭskaja Aravija), prezident Ukrainy Piatro Parašenka pravioŭ telefonnyja pieramovy ź vice-prezidentam Złučanych Štataŭ Amieryki Džo Bajdenam, staršynioj Jeŭrapiejskaj Rady Donaldam Tuskam, Vysokim pradstaŭnikom Jeŭrapiejskaha Sajuza pa pytańniach źniešniaj palityki i palityki biaśpieki Fiederykaj Mahieryni.
Jak paviedamlaje pres-słužba Parašenki, jon dasiahnuŭ damoŭlenaści ab nieabchodnaści praviadzieńnia pieramovaŭ u Ženieŭskim farmacie z udziełam Złučanych Štataŭ Amieryki, Jeŭrapiejskaha Sajuza, Ukrainy i Rasijskaj Fiederacyi.
«Uvieś śviet siońnia ŭskałychnuła žudasnaja trahiedyja ŭ Maryupali. Terarystyčnaja ataka zabrała dziasiatki ŭkrainskich žyćciaŭ, paranienyja bolš za sotniu niavinnych ludziej, u tym liku i dzieci. Zło budzie pakarana», — zajaviŭ Parašenka padčas svajho adlotu z Saudaŭskaj Aravii.
