Novy preparat dla lačeńnia psaryjazu ŭ darosłych byŭ zaćvierdžany ŭ ZŠA.
U ludziej z psaryjazam, najbolš raspaŭsiudžanaj formaj aŭtaimunnaha zachvorvańnia skury, źjaŭlajucca ŭčastki toŭstaj, čyrvonaj skury sa słaistymi, sierabrysta-biełymi plamami. Pry aŭtaimunnych zachvorvańniach imunnaja sistema arhanizma atakuje zdarovyja tkaniny pamyłkova.
Novy preparat, Cosentyx (secukinumab), ŭvodzicca pad skuru. Preparat błakuje białok, jaki ŭdzielničaje ŭ chraničnaj zapalenčaj reakcyi, što pryvodzić da psaryjazu.
FDA adobryła lekavy srodak na padstavie vynikaŭ čatyroch kliničnych vyprabavańniaŭ, jakija achapili bolš za 2400 čałaviek i vyjavili, što preparat bolš efiektyŭny za nieaktyŭnaje płaceba. «Płanka efiektyŭnaści ŭ paraŭnańni z papiarednimi preparatami suprać psaryjazu padvyšajecca», — skazaŭ d-r Mark Lebval, śpiecyjalist sa škoły miedycyny pry hary Sinaj, Ńju-Jork. «Mała taho, što palapšeńnie nastupiła ŭ rekordnaj kolkaści chvorych — 75 pracentaŭ, — skazaŭ Lebval, — ale ŭ vialikaj kolkaści pacyjentaŭ na 100 pracentaŭ ačyściłasia skura».
Jon dadaŭ, što zafiksavanaja efiektyŭnaść Cosentyx pieravyšaje ŭsie inšyja preparaty dla doŭhaterminovaha lačeńnia psaryjazu.
Tym nie mienš, lekary pavinny być aściarožnymi pry vykarystańni Cosentyx ŭ pacyjentaŭ z chraničnaj infiekcyjaj i pacyjentaŭ z chvarobaj Krona, skazaŭ FDA. Ahulnyja pabočnyja efiekty ŭklučajuć infiekcyi vierchnich dychalnych šlachoŭ i dyjareju.
Preparat pryznačany dla darosłych, jakim pakazanaje parenteralnaje lačeńnie (preparaty ŭvodziacca ŭ kroŭ), śviatłolačeńnie (ultrafijaletavaje apramieńvańnie) abo toje i toje adnačasova.
Doktar Dorys Dej, dermatołah sa špitala Lenaks Chił u Ńju-Jorku, kaža: «Ciapier, kali my razumiejem bijałahičnyja i hienietyčnyja šlachi, jakija viaduć da psaryjazu, našaje lačeńnie stanie bolš vuzka nacelenym i efiektyŭnym. Heta dobraja mahčymaść dać vybar pacyjentam, u jakich chvaroba raźvivajecca i za miežami skury, paražaje sustavy dy inšyja sistemy cieła».
Psaryjaz — najbolš raspaŭsiudžanaje aŭtaimunaje zachvorvańnie ŭ Złučanych Štatach, na jaho pakutujuć 7 500 000 amierykancaŭ — kala 2% nasielnictva.
Cosentyx pradajecca kampanijaj «Novarcis Farma Corp.».
