U Minsku ŭ suviazi ź nizkim pasažyrapatokam z 2 lutaha admianiajecca vykanańnie niekalkich rejsaŭ pryharadnych aŭtobusnych maršrutaŭ, paviedamili ŭ dziaržaŭnaj ustanovie «Staličny transpart i suviaź».
Admianiajucca rejsy aŭtobusnaha maršrutu №248 «DS Karastajanavaj — Haradok» adpraŭleńniem ad DS Karastajanavaj u 6.20, 10.45, 15.05, 20.35 pa budnich dniach, u 6.25, 10.45 pa vychadnych dniach; №267 «DS Karastajanavaj — Balšavik» adpraŭleńniem ad DS Karastajanavaj u 8.00, 12.42 pa budnich dniach. Pa raskładzie admienienych rejsaŭ arhanizujecca praca aŭtobusami małoj źmiaščalnaści (27 pasažyrskich miescaŭ) pa maršrutach №1548-TK «Kamaroŭski rynak — Balšavik — Haradok» i №1567-TK «Kamaroŭski rynak — Balšavik».
Adnačasova ŭ suviazi z adsutnaściu pasažyrapatoku ŭ rajonie nasielenaha punkta Haradok dla pryharadnych aŭtobusnych maršrutaŭ №378 «DS Karastajanavaj — Abłasnaja balnica praz Haradok» i №379 «DS Karastajanavaj — Zabałoćcie praz Haradok» admianiajecca zajezd u Haradok i arhanizujecca praca pa maršrutach №337 «DS Karastajanavaj — Abłasnaja balnica» i №222 «DS Karastajanavaj — Zabałoćcie» adpaviedna.
