Kadr ź filma «Ludzi ŭ čornym 2»
Navukoŭcy padčas intervju sa studentami, za jakimi nie zafiksavana parušeńniaŭ zakona, paśpiachova pierakanali častku paddoślednych u tym, što jany ździajśniali kradziež, bojki i ŭzbrojenyja napady.
Dziela hetaha navukoŭcy źviazalisia z baćkami paddoślednych i paprasili tych zapoŭnić ankietu pra svaich dziaciej. Zatym padčas sieryi z troch 40-chvilinnych intervju ŭ siabroŭskaj atmaśfiery raspaviali 60 padvopytnym miešaninu z realnych faktaŭ ich žyćcia i vydumanych faktaŭ. Pałovie raspaviadali pra pravaparušeńni, pałovie – pra zvyčajnyja emacyjnyja padziei, jak napad sabaki ci strata hrošaj.
Psichołahi prasili pryhadać stolki, kolki mahčyma, navat kali čałaviek nie pamiataŭ padziei. U 21 z 30 tych, kamu raspaviadali pra niesapraŭdnyja złačynstvy, raźvilisia falšyvyja ŭspaminy. Jašče bolej, 23 z druhich 30 raźvili falšyvyja ŭspaminy pra biaskryŭdnyja emacyjnyja padziei.
Efiekt falšyvych uspaminaŭ byŭ nastolki mocnym, što padvopytnyja pačali samastojna raspaviadać detali «svaich» złačynstvaŭ.
«Razumieńnie taho, što takija składanyja falšyvyja ŭspaminy isnujuć i što «narmalnyja» indyvidy mohuć być daviedzienyja da ich hienieracyi — heta pieršy krok da ich praduchileńnia», – raspaviadaje daśledčyk Džulija Šoŭ z Univiersiteta Biedfardšyra pra ŭnikalnaje daśledavańnie. Pry kantakcie z palicyjaj čałavieku lohka «padkinuć» uspaminy, jakija pryviaduć da falšyvych pakazańniaŭ.
