Z ranicy žychary ŭsich rajonaŭ Daniecka bieśpierapynna čujuć vybuchi i kananadu ciažkaj artyleryi. Pra heta paviedamlaje Deutsche Welle.
«Uražańnie takoje, što «Hrady» stajać chiba što nie pobač z kožnym domam. Detanacyja žudasnaja, dryžać ścieny i šyby», —paviedamlajuć žychary centralnych rajonaŭ Daniecka.
Telefonnaja sietka pastajanna zaniataja: ludzi ŭ panicy telefanujuć adzin adnamu, pytajucca, što adbyvajecca ŭ horadzie.
Miascovyja žychary paviedamlajuć pra aktyŭnyja bajavyja dziejańni ŭ rajonie Puciłaŭskaha mosta, jaki viadzie ad aeraporta ŭ horad. U paviedamleńniach vidavočcaŭ havorka idzie byccam by taksama i pra razbureńnie samaha mosta.
U Kijeŭskim rajonie, prylehłym da aeraporta, ludzi paviedamlajuć, što siadziać bieź śviatła, hazu i vady. Taksama žychary śviedčać pra šmatlikija trapleńni snaradaŭ u žyłyja damy — jak u centry horada, tak i ŭ pryfrantavych rajonach, niepadalok ad linii ahniu. Avaryjnyja bryhady nie mohuć vyjechać da miesca razbureńniaŭ z-za artabstrełaŭ, jakija nie spyniajucca.
Častka žycharoŭ śpiešna chavajecca ŭ bombaschoviščy.
Hetak ža śpiešna začyniajucca charčovyja kramy ŭ centry horada. Spyniaje pracu i centralny rynak. Na niekatorych maršrutach całkam spynieny ruch hramadskaha transpartu.