16 studzienia ŭ Paryžy ŭpieršyniu prajšło śviata biełaruskich Kaladak. Mierapryjemstva było arhanizavana pasolstvam Biełarusi ŭ Francyi i pradstaŭnikami biełaruskaj dyjaspary, jakaja pražyvaje ŭ Paryžy, paviedamlaje pres-słužba pasolstva.
Prysutnym byli pradstaŭleny nacyjanalnyja tradycyi, źviazanyja sa śviatkavańniem Kaladaŭ u Biełarusi.
Na viečary hučali biełaruskija narodnyja i sučasnyja pieśni ŭ vykanańni biełaruskich artystaŭ, jakija pražyvajuć u Paryžy, u tym liku z repiertuaru ansambla «Pieśniary», viadomych biełaruskich kampazitaraŭ Mulavina, Łučanka, Žynoviča, Cikockaha, Ahinskaha i inšych.
Padčas viečara adbyłasia dehustacyja kućci i inšych biełaruskich straŭ.
Pasoł Biełarusi ŭ Francyi Pavieł Łatuška vykazaŭ udziačnaść ŭsim haściam viečara i pradstaŭnikam biełaruskaj dyjaspary za ich dziejnaść, nakiravanuju na zachavańnie biełaruskich tradycyj.
Na viečary prasutničała kala šaścidziesiaci pradstaŭnikoŭ biełaruskaj dyjaspary i paryžan, paviedamlaje pasolstva. Udzielniki viečara adznačyli zacikaŭlenaść u praviadzieńni biełaruskich Kaladak na štohadovaj asnovie. Hości viečara atrymali ŭ jakaści padarunku kalendary na 2015 hod Nacyjanalnaj biblijateki Biełarusi i Nacyjanalnaha histaryčnaha muzieja Biełarusi.
