Ruch vysakachutkasnych ciahnikoŭ Eurostar pa tuneli praz Ła-Manš pamiž Vialikabrytanijaj i Francyjaj prypynieny z-za ŭzharańnia hruzavika, paviedamlajuć infarmahienctvy sa spasyłkaj na brytanskuju palicyju.
Raniej sajt Jeŭratunela paviedamiŭ, što ruch ciahnikoŭ pamiž francuzskim Kale i anhielskim Duŭram prypynieny z-za zadymleńnia ŭ tuneli pad Ła-Manšam.
Uzharańnie adbyłosia na francuzskaj terytoryi, evakuiravany adzin ciahnik, paciarpiełych niama. Astatnija ciahniki viarnulisia ŭ punkty adpraŭleńnia. «Usie, chto padarožničaje čyhunkaj, mohuć sutyknucca z zatrymkami pry adpraŭcy ciahnikoŭ da taho času, pakul tunel nie budzie vyvietrany», — havorycca ŭ zajavie palicyi brytanskaha hrafstva Kient, pa jakim prachodzić linija Eurostar.
Pradstaŭnik Eurostar ŭ svaim mikrabłohu ŭ Twitter prainfarmavaŭ, što ruch ciahnikoŭ pad Ła-Manšam spynieny da viečara suboty. Pa tuneli, akramia pasažyrskich ciahnikoŭ, kursujuć hruzavyja sastavy
