Na 90-m hodzie žyćcia pamierła narodnaja artystka Rasii Ryma Markava. Pra heta TASS paviedamiła dačka aktrysy Taćciana. «Jana pamierła ŭ reanimacyi Botkinskaj balnicy, — skazała dačka Markavaj. — Raźvitańnie adbudziecca 17 studzienia na Nikoła- Archanhielskich mohiłkach».
vesti.ru
«Ja admysłova zrabiła raźvitańnie i pachavańnie tak chutka i biez usialakaj pampieznaści, pa prośbie mamy. Jana nie chacieła, kab była presa, kamiery. Vy ž razumiejecie, jana doŭha chvareła. Ludzi, jakija pamiatajuć jaje pa jaje tvorčych rabotach, biezumoŭna, niachaj prychodziać», — skazała surazmoŭnica ahienctva. Jana nie ŭdakładniła pryčynu śmierci aktrysy.
Ryma Markava naradziłasia 3 sakavika 1925 hoda, vučyłasia ŭ studyi pry Vałahodskim dramatyčnym teatry. U 1950-ch hadach słužyła ŭ teatry Lenkom, z 1971 hoda — u Teatry-studyi kinaakciora. Viadomaść joj pryniesła rola ŭ karcinie Alaksieja Sałtykova «Babina carstva», za što jana atrymała śpiecyjalny dypłom mižnarodnaha kinafiestyvalu ŭ San-Siebaśćianie. Usiaho na rachunku Markavaj bolš za 70 rolaŭ u kino.
Siarod samych viadomych filmaŭ z udziełam Rymy Markavaj — «Viečny klič», «Radnia», «Pakroŭskija varoty», «Hardemaryny, napierad».
U apošnija hady jana amal nie zdymałasia. Adnoj ź jaje apošnich rabot stała rola viedźmy ŭ dyłohii Cimura Biekmambietava «Dzionny dazor» i «Načny dazor», za jakuju Markava była naminavanaja na «Załatoha arła» jak lepšaja aktrysa druhoha płana.
Ryma Markava atrymała zvańnie narodnaj artystki RF i ŭznaharodžanaja ordenam «Za zasłuhi pierad Ajčynaj» IV stupieni.
